UTV a dal den auto cu varios mucha abordo na Bushiribana

Diahuebs atardi riba caminda di santo di Bushiribana pa Natural Bridge un famia den un honda fit bayendo abou a hayanan mes confronta unda un utv a sali fo’i banda panort di caminda y dal den nan banda drechi dilanti. Den e honda fit tabatin mama cu su yiunan y di cual un mucha chikito a keda herida y tabatin un baby tambe pero a keda spanta.

E mama den panico pa cu e accidente a pidi yudansa, ambulance y polis di trafico a keda manda cu urgencia p’e sitio. Ambulance a presenta di biaha y a brinda asistencia di biaha n’esun cu tabatin mester. Polis di trafico tabata presente pa tuma dato y a manda yama e turistanan cu tabata envolvi debi cu nan a bay bin bek. Asina polis a tuma declaracion di e señora cu tabata stuur e utv.