Señora ta perde su bida den accidente di trafico na Santa Cruz

1

Santa Cruz – Dialuna mainta algo prome 11’or y mey Aruba a conoce su di 13 morto den trafico.

Polis y demas unidadnan a dirigi nan mes poco pabou di NAPA na Santa Cruz, pa un accidente frontal.

Na yegada polisnan a topa cu e 2 autonan parti panort di caminda, pega ariba otro. Un auto tawata un Hyundai Getz color cora y e otro un auto blanco Mericano SUV grandi.

Esnan cerca mesora a baha pa yuda, unda cu e esun mas grave tawata chauffeur di e Getz cora, un señora grandi cu ainda tawata hala rosea pisa.

Paramediconan na yegada mesora a drenta accion pero algun minuut despues e señora ta fayece.
Den e otro auto e chauffeur tambe ta un dama, cu a resulta ok pero a wordo hiba tambe pa Hospitaal.

Caminda a wordo cera y tur instancia concerni a yega e sitio.