Señora di 62 aña a perde su bida den accidente frontal na Hooiberg

Dialuna mainta autoridad ta keda informa cu riba caminda di Santa Cruz Hooiberg pabou di Napa tin un accidente fuerte frontal entre dos auto. Polisnan ta keda dirigi di biaha p’e sitio y topa cu un gms y un hyundia getz. Den e getz un señora di edad no tabata reacciona. Ambulance a presenta cu maximo urgencia, y a pidi pa dokter ya cu e persona no ta reacciona mas.

Specialista di trafico y departamento tecnico a cuminsa cu nan investigacion. Segun testigonan e chauffeur di e getz a bay den banda contrario dal frontal den e gmc.

Dokter a constata morto di e señora Sandra Growell naci na 1962.