Problema grandi debi cu grupo ta sinta riba tereno di otro na Seroe Patrishi

Dialuna anochi den e bario di Seroe Patrishi n’e casnan di pueblo a start un bululu entre bisiña, unda e habitante no kier pa un grupo no sinta mes riba nan tereno cu nan tin y ta causa problema. Un menasa a surgi y cos a casi aby fo’i man den presencia di prome unidad cu tabata presente como polis di bario.

Mas patruya a presenta di biaha n’e sitio pa duna un man. Bay bin di palabra, polis a papia cu tanto e grupo pariba y e grupo pabou cu ta propetario di e tereno grandi. Nan no kier p’e grupo problematico sinta riba nan tereno y haci nan cosnan y despues ta laga sushi atras. Polis a papia cu e persona p’e sa kico e tin cu haci cu tanteen bo no lanta un cura mucho no por haci debi cu e tereno ta habri. Polis a tuma tur dato y a pidi ambos partido pa tin trankilidad pa cu polis no mester tin bolbe bek.