Pickup a dal contra un suv na crusada di Bolivastraat y persona a keda leve herida

Diabierna anochi n’e crusada di Bolivastraat na Playa ta sosode un accidente unda un pickup a dal den banda robes patras di un kia sportage, e impacto a laga algun hende cu tabata den e sportage herida. Polis di biaha a presenta n’e sitio y ambulance tambe debi cu tin persona levemente herida. Dama chauffeur di e sportage a conta polis cu e pickup a dal duro nan tras y consecuencia e auto a draai cu nan y un di e muchanan sinta den auto a haya sla na cabes.

Paramedico a controla dos persona n’e sitio cu dolornan na curpa.