Hobencita(14) hinca varios biaha den lomba, e agressor tambe ta un hobencita(16)

1

L.G. Smith Boulevard, Oranjestad:

Diabierna algo prome cu 8’or di anochi,  riba tereno di Renaissance Beach Tower pa un of otro motibo un hobencita di 16 aña a pasa man pa un obheto skerpi y a hinca un otro hobencita di 14 aña varios biaha den su lomba. Despues  hopi lihe e agressor a bay for di e sitio y lo a bay direccion di Caya Principal.

E hobencita cu a keda seriamente herida, tabata sangrando masha hopi mes. Mesora a pidi pa presencia di polis y ambulance cu maximo urgencia.  Na yegada enberdad nan a bin topa cu e hobencita herida y despues cu nan a stabilis’e y prepare a transporta e victima cu sumo urgencia pa hospital. Algun testigo cu a mira locual a sosode, a duna polis e informacionnan necesario y pronto nan lo por pone man riba e hobencita agressor.

Por a mira varios unidad di polis patruyando den cayanan di Oranjestad pa mira si nan por  bin topa cu e agressor, cu ta e hobencita di 16 aña.