138
Na fanaticada nan di AVP ta Mike Eman a firma un contracto fofo pa CITGO por a get away
Parlamentario Endy Croes ta siguiendo e desaroyo petrolero hopi di cerca y e oportunidad di “ORO” manera nos ta yame cual ta pasando hopi cerca di Aruba mientras tin gobernantenan den winterslaap y algun cu otro agenda y ta lepiando. Despues cu Trump a saca Nicolas Maduro di Venezuela 3 di Januari ultimo e panorama petrolero den nos region a cambia total. Presidente di Merca Donald Trump a reuni 9 di Januari 2026 na White House cu 17 compania multi biyonario den e mundo di petrolio kendenan lo bay ta invertiendo 100 BIYON us dollar pa renoba henter infrastructura petrolero na Venezuela pa aumenta e capacidad pa saca mas crudo pa dia. Ta e momento oportuno pa Aruba cu ta strategicamente posiciona haci uzo di e contactonan nesesario pa desaroya bek nos di dos pilar. Sinembargo awe lo splica detayes di e 300 miyon di CITGO cu fanaticonan politico ta misinterpreta.
Kico ta e berdad riba e 300 miyon di CITGO?
Croes a tuma nota cu tin masha hopi experto di Facebook pero tambe AVP ta manda su fanaticada bruha tera cu un storia incorecto cu ta MEP lo a exonera CITGO 300 miyon hinca den e contract pa desmantela y clean up e refineria.
Contracto di CITGO y Clausula:
Mike Eman y AVP a firma e contracto cu CITGO 2015/2016. Mike Eman y AVP a firma e contracto cu CITGO cu e miras cu CITGO lo haci inversionnan multimiyonario pa re-destina e refineria den un upgrader pa kibra e heavy crude di venezuela haci’e mas liviano pa e refinerianan entre otro na merca por core esaki pa saca varios productonan final.
Den contracto tin un clausula di Force Majeure
Den dicho contracto tin un clausula di Force Majeure cual ta libera partidonan di responsabilidad y obligacionnan pa cu otro. Normalmente Force Majeure ta referi na entre otro eventonan fuera di control manera desaster natural, guerra, epidemia pa nombra algun.
Kiko ta e triki cu CITGO a uza di cual Mike Eman a bay di acuerdo cune?
CITGO den e contracto a agrega bou di e clausula Force Majeure un siguiente frase:“Si gobierno Americano bin cu sancionnan contra CITGO e obligacion di 300 miyon cu CITGO mester paga Aruba pa desmantela e refineria y clean up automaticamente ta cancela y esaki ta libera CITGO di e 300 miyon y di su responsabilidad.” Esaki ta firma den dicho contracto cu AVP-Mike Eman a firma. E tristo realidad ta cu dado momento despues cu Mike Eman a firma e contract Gobierno di Merca atrabes di OFAC a pone sancion riba CITGO.
CITGO a bin Aruba y a haci un anucio publico
CITGO a bin Aruba y a anucia tanto na gonbierno di turno y publicamente cu nan NO por cumpli cu e inversionnan stipula den e contract pa culpa di e sancionnan cu Merca a pone riba nan. Mesun momento CITGO a bisa tambe cu nan no mester desmantela of paga e 300 miyon as per contract como cu e clausula di Force Majeure, cu Mike Eman y AVP a firma ta libera nan di tal.
Kico MEP a haci?
Gobierno di signatura di MEP na e momento nan ey a acerca e abogado cu a lidera e team di negosacion di dicho contract tempo di AVP, Sr Sjiemfat, pa un conseho. No obstante Sjiemfat ta sostenedor di AVP e gobierno di turno a acerca su persona respetando su conocemento riba e tema como cu nan a negosha e contracto pa gobierno di AVP na 2015-2016. Abogado Sjiem Fat a splica cu en berdad CITGO no mester paga Aruba nada mirando e clausula cu tin y alabes ta duna Gobierno di MEP rason cu e clausula aki ta un clausula ‘chambon’!
Pa finalisa, parlamentario sr. Croes kier a duna un splicacion detaya riba e topico aki pa asina pueblo por debati riba hechos y nos djis papia pa papia. Diferencia di opinion ta saludabel pero papia e berdad ta un deber. Esaki ta e berdad sunu riba e 300 miyon di Citgo.
