Carga grandi a cay riba empleado hoben(20), su situacion ta serio – Aruba Native

Bubali – Dialuna atardi den careda di 3’or varios unidad di polis, brandweer y ambulance a bay direccion Euroceramica situa na Bubali.

Segun informacion, un hoben rond di 20aña lo tawata yuda baha carga, y algo a bay robes.
Ta asina cu carga of algo basta pisa a cay riba e persona, lagando e seriamente herida.

Tres unidad di ambulance a presenta, entre nan e Rapidresponder. Despues di a prepara e victima ambulance a sali cu urgencia direccion Hospitaal bou escolta di polis.

Situacion di e trahado ta serio.