Paga bo lus durante Earth Hour

Proximo diasabra, dia 28 di maart, miyones di hende, gobiernonan y empresanan lo paga lus pa un ora largo durante Earth Hour. Riba e islanan tambe lo paga lus di 8:30 pa 9:30 di anochi na diferente localidad pa pidi atencion pa nos naturaleza.

Impacto global
Earth Hour a cuminsa como un iniciativa di WWF (World Wide Fund for Nature) y a crece bira e movemento mundial mas grandi pa proteccion di naturaleza. E aña aki ta celebra 20 aña di Earth Hour y e islanan Caribense tambe ta participa. Cu cooperacion di Curaçao Ports Authority i Aqualectra, e area rond di Brionplein, Pontjesbrug, Handelskade y Gouverneurspaleis lo ta scur.

Na Boneiro, Entidat Públiko Boneiru i WEB Bonaire a uni forsa pa paga e lusnan di caya den e area di Wilhelminaplein, partinan di Kaya Grandi i Kaya N.E. Craane. Ademas, Tourism Corporation Bonaire, **Elmar N.V.** i Directie Milieu en Natuur na Aruba, i Entidat Públiko na Saba lo paga e lusnan di nan edificio. Port St. Maarten lo desconecta e lusnan no-esencial di e brug di Causeway.

Mas cu simplemente paga lus
WWF ta invita e comunidad i otro empresanan tambe pa participa na Earth Hour. Paga lus ta un simbolo pa pidi atencion pa naturaleza. Pero e participacion por bay mas leu cu e ora ey so. Ta posible pa haci algo positivo pa bienestar di nos mundo, manera por ehempel:
* Uza awa mas eficiente.
* Come mas cuminda vegetariano of vegan.
* Recicla.
* Planta mata/palu.
* Join un ‘clean up’.

Islanan mas vulnerabel
E participacion di e islanan Caribense na Earth Hour ta mustra e dedicacion pa pone atencion na e consecuencianan di cambio di clima cu nos ta sinti mas i mas cada dia. Islanan chikito ta extra vulnerabel pa cambio di clima. Debi na subida di nivel di lama i e mundo cu ta calentando, e chance pa tempo extremo—manera secura extremo, inundacionnan pisa i horcan—ta hopi grandi.

Esaki tin un impacto grandi riba economia di e islanan, riba bienestar i prosperidad di e poblacion. Pesey, pa e motibo aki, ta importante pa nos para hunto, refleha riba nos impacto i haci pasonan chikito den direccion di un futuro mas sostenibel.