Entrante 17 di ougùstùs te ku 28 di ougùstùs, Kuerpo di Bombero Hulanda Karibense (BKCN) ta èkstra visibel na Boneiru. Den e periodo aki vários ehersisio di práktika pa e kurso di Ofisial di Servisio lo tuma lugá.
E ehersisionan di práktika akí ta un parti importante di e kurso i ta kontribuí na un bon preparashon pa e Ofisial di Servisio, ya asina nan por duna liderazgo operashonal durante maneho di krísis i kombatimentu di desaster.
Pa prepará e partisipantenan mas mihó posibel pa e diferente insidentenan, lo práktika riba esenarionan realístiko na diferente sitio na Boneiru. Durante di e ehersisionan akí, vehíkulonan di bombero i situashonnan di práktika lo ta visibel den besindario.
E ehersisionan lo tuma lugá di djaluna te ku djabièrnè, entre 8 or di mainta pa 5 or di atardi.
BKCN ta pidi tur usuario di karetera i esnan ku ta biba den besindario pa tene kuenta ku e ehersisionan i pa sigui tur instrukshon indiká.
Follow the story