Noticia Policial di Boneiro: 26 te cu 28 di januari 2026

Notisia di polis di djaluna 26 di yanüari te ku djárason 28 di yanüari 2026

A detené tres menor di edat pa violashon Lei di Opio
Djaluna 26 di yanüari, alrededor di 10.30 or di mainta, a detené tres mucha hòmber menor di edat riba sospecho di violashon di Lei di Opio, den besindario di Misa di Playa,.

Polis a dirigí nan mes na e sitio despues di a risibí informashon tokante posibel artíkulonan hòrtá den un edifisio bandoná tras di misa di Playa. Durante un kòntròl den i rònt di e edifisio, a kontrolá tres mucha hòmber.

Den e edifisio a topa ku un tas ku tabata kontené entre otro un lèptòp, un telefòn selular, sigaria i un etuí. Den un di e pakinan di sigaria, polis a haña algun saku chikí ku un sustansia probablemente narkótiko.

Komo ku ningun di e personanan por a duna un splikashon tokante na ken e supstansianan ku a topa kuné ta pertenesé, a detené e tres mucha hòmbernan. Ta trata di tres mucha hòmber di 16 aña di edat di inisial J.J.J.T., S.G.S.I. i I.M.W.

A transportá e sospechosonan pa warda di polis pa mas investigashon. Investigashon den e kaso ta kontinuá.