Noticia Policial Boneiro 5 te 7 di Februari 2025

Notisia di polis di djárason 5 di febrüari te ku djabièrnè 7 di febrüari 2025

Detenshon pa destrukshon
Djaweps 6 di febrüari, alrededor di 10:30 or di mainta, a detené un hòmber di inisial E.A.S. di 42 aña di edat na warda di polis pa destrukshon. Den oranan di mardugá di djadumingu 19 di yanüari, e sospechoso a destruí un mashin di pago na un pòmp di gasolin riba Kaya Korona. Investigashon den e kaso ta kontinuá.

Kandela den kònteiner
Djárason 5 di febrüari, alrededor di 5.30 or di atardi, ‘meldkamer’ sentral a risibí notifikashon tokante un kandela den un kònteiner riba tereno di un kompania ku ta produsí koriente na Karpata. a dirigí un patruya, dos vehíkulo di kuerpo di bombero i servisio di ambulans na e sitio. Na yegada di e e servisionan di emergensia, a resultá ku e empleadonan di e kompania mes a paga e kandela. For di investigashon di brantwer a resultá ku e mùfler di un generator a keinta di mas, loke a kousa ku e dak di e kònteiner a pega kandela. Afortunadamente e empleadonan mes a logra paga e kandela rápidamente pa no kousa mas daño. E generator mes a keda intakto. No tabatin herido.