1
Koyari – Diabierna merdia pasa di 12’or informacion ta drenta di un accidente entre brommer cu auto. Esaki a sosode ariba e crusada di Italo Aruba na Koyari.
Mesora unidadnan di polis y tambe di ambulance a sali pa e sitio.
Polis a yega y a topa cu e motociclista herida ariba e suela cayente di merdia. E tawata herida na cabes y brasa, ambos herida tawata sangra hopi.
Ambulance mientrastanto tawata na caminda. E impacto di e brommer tawata den banda drechi di e Lexus.
Na e sitio polis a compronde cu e Lexus a subi e crusada for di pariba y no a duna e brommer biniendo for di nort.
Dos unidad di Ambulance a yega na e sitio, debi cu e chauffeur di e Lexus ta un persona di edad pero na final tawata mustra toch ok y tawata papia cu polis.
E motociclista a wordo transporta pa Hospitaal despues cu nan a cuminsa trat’e den e Ambulance eynan mes.
Polis di trafico y Forensys a yega e sitio, pa asina haci nan parti.
