Chauffeur di edad a crusa dilanti brommer na Koyari, motociclista a keda basta herida

Diabierna merdia n’e crusada na Koyari pabou di Italo ta keda registra un accidente serio entre auto y brommer, di biaha polisnan di Noord ta presenta y topa cu brommer benta abou, y un homber riba caminda basta herida cu sla serio na cabes y un lexus destrui.

Ambulance a keda solicita cu maximo urgencia pa presenta ya cu e motociclista tabata keha di basta dolor na curpa y na su cabes y tabata sangra. A constata cu e chauffeur di edad den e lexus a baha di pariba no a para n’e crusada y a crusa bay abou dilanti di e brommer biniendo fo’i nort riba su caminda di preferencia.

E impacto tabata fuerte cu e motociclista a dal den banda drechi di e lexus cu el a yega topa riba su caminda crusando. Danki dios e motociclista tabatin helm bisti pero e sla contra e auto mes a causa cu el a haya golpinan fuerte na curpa.

Paramediconan a yega di biaha y traha di biaha riba e homber herida stabilise y bay di biaha pa eerstehulp pa atencion medico avansa. Otro unidad di ambulance a brinda asistencia n’e homber di edad pa un control.

Specialista di trafico y departamento tecnico a saca potret y haci investigacion.