Motociclista herida den accidente ariba caminda di Tanki Flip

1

Tanki Flip – Diadomingo pasa di mey anochi a sosode un accidente entre un Kia Flatbed lastrando un trailer di cuminda y un brommer.

Polis a bay cu urgencia pa e sitio, cu tawata pariba di e rotonde di Tanki Flip. Eynan segun prome Informacion e motociclista lo tawata ariba suela. Ta asina cu segun testigonan chauffeur di e Kia Flatbed lo a bira na su man robes y no a duna e brommer preferencia. E brommer a dal parti dilanti di e Kia Flatbed y depues bay cay banda di panort.

Tanto ambulance y polis a yega basta lihe. Ey nan a bin topa cu e motociclista na suela, cu tawata sangra na cara y mas golpi na curpa.

Paramediconan a papia cu ne y a haci’e algun pregunta pa despues lant’e y pone ariba brancard. Un otro ambulance a yega pa duna un man.

E caminda a wordo cera, debi cu departamento di trafico lo mester a presenta pa haci nan parti.
Ambulance a hiba e motociclista Hospitaal.