1
ORANJESTAD (27 di april 2025) – Aruba Fashion Week, e evento di moda y luho mas anticipa den Caribe, ta yega cu su edicion nobo di 11 te 14 di december na e recien inaugura hotel Joia Aruba by Iberostar, e nobo perla di Caribe. Situa directamente riba Eagle Beach – clasifica como e playa number un di Caribe y e di tres miho di mundo – e evento aki lo reuni e miho di moda internacional, talento local y experiencia inolvidabel di luho.
Aruba Fashion Week a consolida su mes como un plataforma importante pa internacionalisa diseñador y marca na Aruba y e region Caribe, y como un showcase ideal pa exporta talento local pa mercado nobo den Latino America, Estados Unidos y Europa.
Aruba y Joia Aruba by Iberostar lo ta e anfitrion y patrocinado principal di e aña aki, re afirmando nan compromiso cu turismo di luho, lifestyle, cultura, arte y sostenibilidad.
E edicion aki no solamente ta celebra moda, sino tambe e spirito innovador y sostenibel di Aruba. E campaña global di promocion, dirigi na mercado clave y nobo pa Aruba, lo integra uzo di inteligencia artificial pa honra lama, santo blanco y coral – icononan natural di e isla – a traves di un liña visual contemporaneo y emotivo.
Aruba Fashion Week lo desaroya un Media Tour impactante, diseña pa promove e destino, e evento, e resort Joia Aruba by Iberostar, e patrocinadonan y e marca aliado di e evento. E recorido aki a cuminsa den februari na New York Fashion Week y lo sigui cu parada strategico na Bogotá Fashion Week, Colombiamoda, Miami y Chile, y lo culmina den september na New York Fashion Week atrobe.
E edicion di 2025 lo ta basa riba tres pilar principal pa enrikece e experiencia:
Prome pilar: Fashion Shows lo tuma luga den diferente espacio espectacular di Joia Aruba by Iberostar. E ta e escenario perfecto pa resalta y pone den spotlight e marcanan participante y pa presenta desfile di diseñadornan di nivel mundial, elevando e show di moda na su maximo splendor.
Di dos pilar: Showroom Comercial, ubica strategicamente den Red Sail Boutique den hotel. Un espacio specialmente produci y diseña pa conecta marca cu cumprado mayorista y minorista, ofreciendo tres dia completo di promocion, benta y oportunidadnan pa expansion comercial.
Di tres pilar: Experiencianan di Luho, cu lo inclui fashion talks, conferencia specialisa y activacionnan di marcanan local y global. Tur cos ta pensa pa cada bishita por disfruta di un recorido unico di moda, conocemento y estilo den un ambiente di networking di halto nivel.
Cu un vision cla y un enfoke cla na expansion global, Aruba Fashion Week 2025 ta priminti di supera tur expectativa, posicionando Aruba no solamente como un paraiso turistico y cultural, sino tambe como un autentico centro di moda y luho den Caribe.
Si bo ta un diseñador, marca di diseño, patrocinado of simplemente kier asisti e evento, pa mas informacion, bishita nos pagina web y red social: Aruba Fashion Week riba tur plataforma.
