Hopi sushi: Team di Serlimar a percura pa e ruta despues di Lighting Parade keda limpi

Despues cu e parada a termina pa pasa di 2:30 marduga, personalnan di Serlimar a subi e ruta hunto cu Polisnan cu tabata mantene e caminda cera pa ningun trafico pasa door di e personalnan na pia.
A cuminsa foi Dakota Avenida Milo Croes y a termina te na ex Dow riba LG Smith Blvd. Por a tuma nota di basta sushi riba caminda despues di e parada, maske hopi a usa e saconan di sushi reparti, pero tog basta boter di alcohol, bloki y beker benta abou. Te pasa di 5’or mainta e team di Serlimar a keda cla cu nan trabou pa mantene e ruta limpi.