Gobierno a ranca orea di SMAC

Segun nos fuentenan cu e siman aki Minister Tjong encarga cu seguridad y permiso di evento a manda un carta pa hefe di Polis pa investiga y para di inmediatamente un acto ilegal cu SMAC ta haciendo.
Nos tin intendi cu SMAC ta cobra tur organisacion cu ta desea pa organisa un evento di Carnaval un suma di placa pa haya un stempel di aprobacion di SMAC pa organisa un evento den e periodo di Carnaval. Despues cu varios keho a drenta cu esaki no mester ta asina, e Minister Tjong a dicidi di informa KPA pa stop SMAC inmediatamente pa haci negoshi ilegal cu aprobacion di permiso y cu esaki ta bay cay directamente bou di KPA.
Nos no sa si SMAC lo mester bay paga tur esnan cu den pasado nan a cobra pa un stempel di aprobacion, si esaki ta e caso ta hopi placa SMAC lo mester bay paga bek.
Nos a compronde tambe tin varios grupo di carnaval cu ta mal contento cu e organisacion cu ta cobra gruponan Afl.1250 pa participa den parada di carnaval y gruponan di mucha Afl.250 , SMAC a keda funda pa gruponan di carnaval pa yuda e gruponan pero a para bira cu ta e gruponan mester yuda SMAC cu fondo. Tin algun grupo a cuminsa cuestiona tambe cu ainda no tin un ‘jaarrekening’ y esaki ta trece desconfiansa den e directiva y esnan cu tin cu controla e directiva cu ta ‘Raad van Toezeight’

E aña aki a bin acerca payperview pa eleccion di reina y tur evento di Carnaval y esaki tampoco no a cay den bon tera cerca hopi hende, Minister di Cultura a reacciona fuertemente riba esaki atraves di su pagina di Facebook.

Nos lo purba di contact SMAC pa haya di nan banda relaciona cu e topiconan aki.