Fonds BJP ta cera conoci cu periodismo na Boneiro

Kralendijk – Awe a tuma lugá e promé enkuentro di Fonds Bijzondere Journalistieke Projecten (Fonds BJP) na Boneiru, ku bon asistensia di periodistanan i kreadónan lokal interesá.
Direktor Joëlle Terburg i trahadó di dokumental Wensly Francisco a representá Fonds BJP durante nan bishita i a duna un presentashon tokante posibilidatnan di supsidio. Tambe nan a hiba kòmbersashon ku públiko. A interkambiá di pensamentu balioso tokante e situashon aktual di periodismo na Boneiru i e nesesidatnan spesífiko di media i kreadónan lokal. Francisco: “E bishita akí a duna nos mas informashon tokante e retonan ku tin na Boneiru, i tambe e posibilidatnan pa sigui sostené periodismo lokal. Nos ta gradesido pa e oportunidat pa traha huntu i kontribuí na proyekto nobo.”
Fonds BJP ta usa aporte di e enkuentro na Boneiru i esnan na e otro islanan pa sigui duna forma na e maneho pa e islanan. For di prinsipio di e siman akí, periodistanan i kreadónan tin e posibilidat pa na un manera aksesibel entregá un aplikashon pa un proyekto i asina bin na remarke pa sosten di e fondo. “Nos ta gradesido na tur hende ku a bini e enkuentro pa nan aporte, ku pa nos ta hopi balioso. E dianan ku ta bini, nos ta papia ainda ku vários kreadó i redakshon, nos ta spera di konosé ainda mas mihó periodismo na Boneiru”, segun Terburg.