E Averahe Servicio di Coriente Disponibel (ASAI) na Aruba durante Augustus 2024 tabata 99.95%

Den e industria di electricidad, e Average Service Availabilty Index (ASAI) ta un ‘key metric’ pa midi e ‘reliability’ di e suministro di coriente, door di calcula e tempo promedio cu servicio di coriente tabata disponibel pa cliente durante un periodo specifico.

ASAI ta indica si e suministro di coriente ta confiabel, ta cumpli cu benchmarknan di industria, y expectativa di clientenan. Un ASAI halto ta demonstra un servicio confiabel cu minimo interupcion (storing) planea y no planea.

Companianan di utilidad ta traha pa mantene un ASAI halto, y ta uza e ‘key metric’ aki pa evalua y mehora nan ‘performance’, y cumpli cu standardnan regulatorio.

E ASAI di ELMAR durante augustus 2024 tabata 99.95%

ELMAR ta dedica pa sigui garantisa servicio di coriente, y alabes un suministro di coriente confiabel pa tur nos clientenan y nos comunidad. Den nos esfuersonan pa cu esaki, lo comparti e resultado di ASAI mensualmente.