Cinco menor di edad a kibra drenta den cas pa dal nan droga

Dialuna atardi un persona a presenta na un cas na Pos Chikito p’e sigui cu e trabou di reparacion cu e ta haciendo na un cas den renobacion. E persona a topa cu glas kibra y e porta patras forsa y ora a drenta paden a topa cu sorpresa a haya cinco mucha homber scondi den e cas. A bati alarma na polis di biaha y a cera e porta di cas pa ningun hende sali.

Patruya a presenta rapidamente y topa cu di berdad cinco mucha homber den e cas y tabatin rug tas cu nan, posiblemente ta gaña mayor ta bay scol pero ta haci nan fechorianan scondi riba caya. Ta desconoci si nan tabata kier a horta, pero cobando den nan tas polis a topa cu artefactonan usa pa droga, machete y mas cos. A tuma tur cos den beslag y a bay cu tur cinco pa warda di Polis.