Dos auto a dal contra otro na Primavera y un a drenta cura di cas

Diabierna atardi habitante di Primavera y Plantenrust a scucha un desordo fuerte y a mira un hoben benta riba caminda y na prome instante a kere cu auto a dal e persona y a yama autoridad di biaha. A despacha ambulance y polisnan cu maximo urgencia debi cu auto a dal hende y e ta benta abou cu dolornan fuerte.

Na yegada di ambulance, paramedico a brinda asistencia y saca afo kico a sosode, y a compronde cu no ta auto a dal hende despues a saca afo cu e hoben benta abou ta chauffeur di e auto blauw pero tabatin dolornan fuerte na curpa y pecho.

E dama chauffeur di e suv audi a duna di conoce na autoridad cu el a bay pa lora na su man drechi pa drenta cura di cas y momento cu ta lora a sinti un golpi di auto na su banda drechi y aki ta unda e nissan versa a dal den e cura di cas.

Paramedico a brinda asistencia di biaha stabilisa e hoben y a keda transporta pa hospital pa atencion medico. Polis di trafico tambe tabata presente pa tuma dato.