Chauffeur bebi a ranca pionnan banda di caminda na Malmok

Riba caminda di Malmok pa e birada skerpi direccion pa tres trapi Arashi ta sosode un accidente diabierna anochi un chauffeur den un mercedes benz a lubida riba e birada y a sigui straight y ranca pionnan cu tin banda di caminda.

E auto a keda completamente destrui dilanti y e wiel banda drechi ranca. Na prome instante autoridad a keda informa cu tin un mucha herida, a despacha ambulance y polisnan cu urgencia pe sitio.
Na yegada di patruya di Strand no tabata e caso, no tabatin ningun hende herida e chauffeur so bebi y a keda deteni despues di a pasa e limite. Takelwagen di seguro a presenta despues pa lanta e auto kibra y hibe pa su destino. Polis a hala e pionnan destrui ponenan banda di caminda.