Chauffeur bebi a dal frontal cu otro auto na Santa Cruz

Diabierna anochi riba caminda di Santa Cruz poco pabou di cen’s supermarket ta sosode un accidente fuerte y frontal entre un celica y un pickup isuzu. E impacto tabata fuerte unda despues di e impacto e pickup a dal contra di un cura di cas.

E pickup tabata lastra un aanhangwagen. Debi n’e impacto tabatin hende levemente herida.
Polis a combersa cu e chauffeur di e celica y testigo y a declara cu e pickup a bay den banda robes dal den e celica. A pone e chauffeur di e pickup pasa test di alcohol y a keda deteni.