Chauffeur a desvia di trafico y a dal tras di auto dilanti Linear Park

Diasabra pasa di 11:30 anochi riba LG Smith Blvd net na altura di Linear Park a sosode un accidente unda auto a dal tras di otro, debi cu e chauffeur di e auto cu ta fout ta poco bebi roadservice a notifica polis.

Patruya di trafico a presenta di biaha ne sitio pa tuma dato, a combersa cu ambos chauffeur y e chauffeur di e swift a admiti cu el a dal dos pero a bay mira otro banda di caminda pa wak e situacion riba Linear Park y a sinti un golpi cu el a dal tras di e auto su dilanti.

No tabatin ningun persona herida, daño material tabata minimal.