Auto a bolter riba Sasaki y personanan aden a bandona sitio

Diadomingo pasa di 12’or di marduga riba Av Nelson Oduber Sasakiweg ta sosode un accidente pazuid di ex house of cheng, unda un hyundai creta a bolter pa un of otro motibo.

Polisnan ta presenta di biaha cu a keda informa, a topa cu e auto suso den banda, no tabatin ningun otro auto mas. A busca pa persona pero un hende homber cu a keda atras no kier a bisa polis nada ta kende nan ta.
Brandweer tambe a presenta di biaha n’e sitio pa duna un man, ya cu a keda informa cu tin hende pega den e auto pero tur a huy di biaha.

Polis a cuminsa cu investigacion buskeda pero nada. Despues di rato a keda informa cu un hende pia fractura a yega eerste hulp, pero ta trata di hende cu no lo tin permiso pa ta na Aruba.