Asistencia riba lama pa boto local

36

Weekend tras di lomba, Centro Operacional Maritimo di Wardacosta tambe miho conoci como MOC, a ricibi un yamada for di un boto local pidiendo asistencia riba lama. 

Ta trata di un boto di piscado local cu a experencia problema tecnico riba lama cerca di Rodgers Beach.  E dos piscado nan a purba di soluciona e problema riba nan mes, pero pa evita cu e problema por bira pio nan a dicidi di tuma contacto cu Wardacosta. 

Inmediatamente a dirigi un Metal Shark den direccion di Rodgers Beach. E barco ‘Panter’ di Wardacosta cu tabata den bisindario riba un patruya a acerca mes ora pa localisa e piscado nan te ora e unidad di Metal Shark a yega. 

E tripulacion di e Metal Shark a analisa e situacion y a opta pa transporta e boto huntu cu e piscado nan te na Commandeurs baai. 

E dos persona nan ta sano y salvo bek riba tera.