Accidente entre tres auto ta laga daño material grandi atras

2

Cumana – Diadomingo anochi, pasa di 9’or y mey a sosode un accidente serio entre tres vehiculo.
Esaki tawata altura di Bon Dia Supermarket na Cumana.

E tres autonan envolvi ta un Chevrolet Celta, un Toyota Vitz y un pickup Toyota Hilux.

Na e sitio nos a compronde cu pa un of otro motibo, ariba e t-kruising tegenover di Bon Dia Supermarket e Celta posiblemente a slowdown. Eynan e Vitz no a mantene distancia y ta dal cu velocidad halto na e banda drechi di e Celta.

Esaki a causa cu e la kibra e wiel di e Celta, eynan chauffeur di e Vitz a sigui maniobra y ta bay termina frontal contra e Toyota Hilux.

Ambulance a wordo pidi debi cu chauffeur di e pickup lo a haya golpi, nada serio te unda cu nos a compronde.

Polisnan di trafico mesora a cuminsa tuma datos. Doño di e Celta a bisa seguro cu e y un di e otro autonan envolvi lo regla e dañonan nan mes, debi cu nan conoce otro.

Caminda a keda cera, debi cu niun di e autonan por a move ariba nan mesun forsa di e sitio.