Remetido: Diaranson 19 di november unda cu a wordo publica ariba un pagina di noticia cu Chris James huntu cu Jolaine Williams a horta placa for di Elaine Williams cu ta mama di Jolaine.
Sra Elaine a declara cu su yiu huntu cu Chris James a horta e placa for di su cuenta sin ningun motibo, pero aki sra Elaine a contradeci su mes unda cu a declara un storia na Recherche y otro storia na un plataforma di noticia. Despues di investigacion a sali na cla cu e placa aki di berdat ta e placa di Jolaine y no di e mama unda cu sra Elaine a habri un cuenta di banco “Trust Fund” te ora Jolaine hasi 18 aña e tin derecho ariba esaki.
Aki por a mira cu Chris James inocentemente a wordo detini pa hortamento, pero a sali na cla cu Chris James di berdat no a horta ningun placa.
Ken si a horta e placa?
Sra Elaine a declara den su declaracion cu e a dicidi di saca e placa di Jolaine su cuenta paso e a dicidi cu Jolaine no ta bay uza esaki mas pa su estudio y tambe a splica cu Jolaine ta malgasta placa.
Jolaine a avisa su mama cu eta bay denunci’e na polis pa a horta su placa di estudio y e mama a cuminsa “blackmail” Jolaine cu “si e hasi esaki elo bay tal plataforma di noticia p’e y danja su nomber pa maldat”. Mama mes a duna Jolaine acceso na tur cuenta di banco y aki ta unda Jolaine a coy su placa bek di loke e mama a horta for di dje despues cu banco a pidi nan disculpa. Chris James a bula aden pa yuda wanta e fondo nan aki te ora cu e cuenta nobo di Jolaine keda cla y den par di dia e cuenta a keda cla y Jolaine a obtene su fondo bek.
Esaki ta husto?
Pa Maldad Sra Elaine a dicidi di entrega keho contra su yiu y Chris James mientras Sra Elaine tawata fout bezig di comienso.
James na su banda a bay 2 biaha serca KPA San Nicolas pa entrega keho contra Sra Elaine pa “Difamacion”, Pero na e di dos dia (20 di november) unda James tawata sinta na KPA caba, fiscal a duna orden na Recherche pa deteni James debi cu e mama a dicidi di bay hasi un denuncia na un plataforma di noticia cu a bay viral y e tal plataforma aki a dicidi di uza esaki politicamente pa defama Chris James sin cu a hanja e otro banda di medaya. Ningun momento James a wordo deteni na su cas y no tawata van plan pa deteni James.
Kico a pasa despues di declaracion?
Chris James a duna su declaracion y cu envidencia, toch wel a dicidi pa wanta James. Abogado a bringa e caso y na e di cinco dia nan a laga James bay paso no ta wak ningun motibo mas pa prolonga James su detencion.
James no a laga e detencion aki bay facil despues di a tende cu “detencion no tawata den su luga pero fiscal a hanja presion di un plataforma di noticia.” James den su banda a protesta contra esey y tambe a protesta pa deteni e otro nomber nan cu ta riba un otro cuenta di CMB cu recherche a mustra James y di kinan por a mira cu James no ta un sospechoso mas pero mas bien un victima.
A admiti porfin?
Sra Elaine a admiti cu e placa ta di Jolaine Williams y por a mira cla cu James a wordo persigue inocentemente despues di a bisa cu Jolaine y Chris James a horta placa.
Despues cu James a regresa dia 15 di October, aki ta unda James a dicidi (di bon curason) pa yuda Jolaine temporalmente cu un dak over di su cabes paso Jolaine tawata di bay cumpra un auto pa e biba aden despues cu su mama a sac’e for di cas sin panja y nada.
Pa James, mirando cuanto hoben ta sufri di depresion, James no por a acepta Jolaine pa bay biba den un auto.
Acto di discriminacion?
Sra Elaine no tawata gusta James y a cuminsa manda diferente comentario negativo contra James paso e no tawata un hende color blanco y Sra Elaine kier un mucha homber blanco pa su yiu. Pero nunca Sra Elaine a puntra su yiu “si James y Jolaine ta huntu si of no?” Ambos Jolaine y James a admiti varios biaha cu nan no ta huntu.
James a dicidi di bay personalmente serca Sra Elaine pa hanja su banda di medaya pa cu e problema entre mama y yiu y tambe over di e comentario negativo contra di dje. Sra Elaine a dicidi di wak James, corta wowo y bay bek den su telefon. Si Sra Elaine a splika su banda di medaya, kisas Chris James lo a tin un otro perspectiva di e situacion y kisas no lo a yuda of hinka su mes den esaki.
Con a para cu Chris James?
James ta sumamento kibra di e situacion lamentabel aki unda cu su nomber a wordo distrui cu mal intencion specialmente di un Jamaiquino unda cu James mes a traha duru pa e bandera di Jamaica wordo hisa y reconoci. Awor Chris James lo lucha pa normaliza tur cos den su bida y trabou pa sigui traha pa su pueblo di San Nicolas y a distancia su mes di e comission di Jamaica temporalmente.
Chris James kier a bisa danki na su 106 votador y na cada persona cu a duna nan amor y sosten durante su periodo dificil y ta super agredicido na Dios, paso Dios sa cu e ta un mucha homber humilde y cu un curason di oro pa yuda hende pero kisas no ta tur hende mester wordo yuda. Apenas Chris James a cuminsa eleva den su carera politico y hamas y nunca e lo hasi algo for di sla asina aki.