Yamada na personanan cu un AOV den exterior

Unidad SZW Hulanda Caribense ta haci un ultimo yamada na persona cu ta biba pafo di Hulanda Caribense y cu ta ricibi un pensioen di AOV. Ta trata di personanan cu ainda no a entregá un prueba di bida.

Nos ta pidi nan pa mail nan prueba di bida direct pa [email protected]. Of pa tuma contacto via telefon +599 3183376 of +599 416 3804. Por WhatsApp via +599 7900052.

Personanan cu ta ricibi un pensioen di AOV mester entrega un prueba di bida (ADV) dos biaha pa aña, entre 1 di mei y 15 di juni y entre 1 di november y 15 di december. Tur pensionado a ricibi varios biaha un carta of e-mail tocante esaki. Na e momento aki, SZW ainda no a ricibi prueba di bida di un cantidad di persona. Pa e motibo ey, e mensahe ta na e grupo aki pa meld nan mes cu urgencia.

Si SZW CN no ricibi ningun reaccion, lo stop e pago. Esaki tin di haber cu ley y regulacion segun articulo 3 di e ‘Decision revocacion y suspension Ley general seguro di biehes BES (Wet algemene ouderdomsverzekering BES).

Pues, si bo tin derecho riba AOV y ainda bo no a entrega bo prueba di bida, meld bo mes!