Oranjestad, Aruba – Wikipedia riba Aruba ta invita publico general, profesionalnan y representantenan di institucionnan cultural pa participa den un otro edicion di Ban Wiki!, un espacio habri, amistoso y colaborativo cu meta pa contribui na hasi conocemento di Aruba mas accesibel riba plataformanan di Wikimedia.
Pa luna di Februari, lo tin dos evento enfoca riba fortalecemento di contenido digital relaciona cu Aruba y colaboracion cu sector cultural.
Ban Wiki! – Mehora Coleccion di Luchtfoto di Aruba
E prome evento lo enfoca riba mehora e coleccion di luchtfoto (potretnan for di laira) di Aad Stolwijk riba Wikimedia Commons. Durante e encuentro, participante nan lo traha hunto pa agrega captions cla, structura data y metadata detaya. E meta ta pa haci e imagennan mas reconosibel, mas facil di haya y mas accesibel pa mundo henter.
23 di Februari 2026
5:00 PM – 7:00 PM
Biblioteca Nacional Aruba, Oranjestad (Sala di computer)
Ban Wiki! Online – GLAM & Wikimedia Commons
E di dos seccion lo tuma lugar online y ta dirigi especialmente na personanan y ekiponan cu ta traha den organisacionnan di GLAM (Galeria, Biblioteca, Archivo y Museo). Sin embargo, e evento ta habri pa tur hende cu tin interes pa siña con pa contribui na plataformanan di Wikimedia. Experencia no ta necesario, interes si!
30 di Januari 2026
10:00 AM – 11:30 AM (AST)
Plataforma: Google Meet
Registracion
Personanan interesa por registra nan participacion via pagina principal di Wikipedia riba Aruba, unda nan por selecta “Join” y yena e formulario di registracion: www.wikipediaonaruba.org
Wikipedia riba Aruba ta enfatisa cu participacion di comunidad ta esencial pa sigui fortalece y preserva conocemento riba Aruba den un manera habri y accesibel pa tur hende.Bo participacion ta haci un diferencia. Nos ta spera di mira bo den e proximo edicion di Ban Wiki!
Ban Wiki Online – Ban Wiki27-2-2026
Ban Wiki Post Square – Ban Wiki_Flyer_23-02-2026
Seccion di potret:
https://commons.wikimedia.org/wiki/File:WoA_Ban_Wiki_Workshop,_5-2025_03.jpg
https://upload.wikimedia.org/wikipedia/commons/3/3e/Ban_Wiki_x_Counter_Narrative s_08-20-2025_03.jpg
Follow the story