Weldermento a causa candela den un oficina den planta di Web

Diahuebs den oranan di merdia alarma a keda activa na Web Aruba Nv na Balashi cu lo tin candela den e edificio blauw cu tin unda e gneratornan y otro ekiponan ta. E personalnan di Web encarga cu emergencia mes a drenta accion maske a bati alarma na 911 pa brandweer.
A despacha por lo menos tres truck di brandweer. Di biaha bomberonan a presenta y a drenta accion a constata cu ta den un oficina e candela ta den e edificio grandi blauw.

Web a informa cu a surgi un candela durante trabou di weldermento den un di e tool roomnan den planta di WEB Aruba. Coleganan mesora a bati alarma y Team di emergencia di WEB Aruba a drenta den accion pa ataca y domina e candela, wardando riba asistencia di Brandweer Aruba. Poco rato despues a logra domina e candela. No tabatin ningun persona herida y e situacion ta bou di control. No ta trata di un motor y no tin interupcion di coriente a consecuencia di e candela.