Votador nan hoben di Wendrick a para firme pa Mike Eman bolter lista awor

Fo’i diaranson merdia tabata core un lista di e prome 10 personanan riba lista di AVP cu Mike Eman lo pone, y tur hende tabata sa cu e hoben Wendrick Cicilia lo ta nr 3. Un hoben cu a haci hopi cos pa Mike Eman y t’e man drechi di e lider di partido.

Oranan a pasa y nada, fo’i paden a sinti cu tabatin presion pa cu e lista, segun informacion extra oficial Mervin y Wendrick a pone presion, pero bo tin algun bieu den politica no kier hala pa nan.

Mike Eman lider di partido a Sali pafo 12:40 am, cu un cara zuur y cansa, tur hende por a wak cu e tension tabata halto. Mike Eman a admiti na tur hende cu e tabatin un otro vision pa rehubenece e lista, pero a haya hopi contratiempo cu y no por a convence tur hende y a haci un cambio completo. E tabatin un otro lista pero bululu paden a pone cu Mike Eman no por a wanta e presion y tabatin complicacion.

Diabierna durante entregamento di lista Mike Eman a informa oficialmente cu Wendrick Cicilia ta bay na nr 1 y ta bira lider di e partido y Mike Eman ta bay na nr 29 y a haci algun cambio.
Cu otro palabra Mike Eman a Bolter e lista di sorpresa sorprende tur hende.