Via GPS a logra: Tres brommer horta haya scondi den un luga na Jucuri

Diaranson mainta un persona buscando su brommer horta a haya sa unda su brommer ta debi na un gps instala den e brommer a logra di yega den e bario di Jucuri Santa Marta, e persona a mira unda cu e gps ta indica ta den mondi y un lugar grandi, y a pidi yudansa di Polis.

Na yegada di patruya di Santa Cruz a mira e localidad cu e gps ta marca, pero e luga ta na lock. Bou ordo di fiscal y sub fiscal y recherchenan di joyriding a logra di drenta den e luga y asina oficialnan a canta BINGO.

No a topa cu no solamente 1 pero 3 brommer horta, esaki a pone cu a solicita departamento tecnico pa bin tuma tur evidencia a haci un investigacion amplio den e luga unda a topa cu e brommernan horta. A tuma tur den beslag pa mas investigacion.