Connect with us
MVP Ad

VENEZUELA POR PERDE CITGO

Caribean

VENEZUELA POR PERDE CITGO

VENEZUELA POR PERDE CITGO

VENEZUELA POR PERDE CITGO – ORANJESTAD, – Venezuela por perde su propiedad di mas grandi na Merca despues cu Corte a permiti un compania Canades pa pone beslag riba e sharenan di e compania madre Citgo Petroleum Corp., pa cumpli cu un sentencia di arbitrahe.

Dialuna ultimo Corte di Apelacion Mericano a dicidi cu e compania Crystallex International Corp por confisca e sharenan na Merca di Citgo, cu ta parti di e compania petrolero Venezolano, pa cubri e 1.4 biyon dolar di compensacion otorga na nan despues cu Venezuela a nacionalisa nan terenonan di mina di oro.

 

Amenos cu cambia den apelacion of blokia dor di Gobierno di Trump, e decision lo permiti Crystallex bende e sharenan pa haya e placa cu Venezuela debe e compania Canades. Esey ta nifica cu e pais, den su pio recesion, lo por perde control di e refineria cu ta procesa crudo Venezolano y cu ta duna nan e dolarnan cu nan mester di nan desesperadamente.

Pero tambe e ta complica e esfuersonan di e Presidente interino, Juan Guiado pa wanta control riba propiedadnan di Venezuela, incluyendo Citgo, mientras cu e ta den un wega di poder cu e actual lider Nicolas Maduro pa liderazgo di e pais.

 

Juan Guiado a pidi Presidente Donald Trump pa pone un prohibicion cu esnan cu Venezuela debe pone beslag riba nan propiedadnan.

N’e momentonan aki, e unico accion cu por salba Venezuela di perde Citgo ta sea un apelacion exitoso den Corte Supremo, cu no ta mucho viabel, of un decision di Trump pa saca un ordo di proteccion di propiedad manera cu Guiado a bin ta pidiendo.

Guiado y Maduro ta den un bataya pa control di Citgo nombrando miembronan di hunta pa su doño, Petroleos de Venezuela SA, of PDVSA.

Un Corte di estado na Delaware lo dicidi kende tin e derecho legal pa apunta directornan p’e compania di estado, cu ta doño di Citgo.

Guiado y Maduro a bin ta negociando pa soluciona e crisis. Nan a reuni na Oslo, Noruega, y e luna aki mester a reuni na Barbados.

E operacionnan minero di Crystallex, banda di Las Cristinas, Venezuela, a wordo confisca sin compensacion na 2011 ora cu Hugo Chavez a nacionalisa e industria minero di oro di e pais. E compania a bay den arbitrahe y a gana un compensacion di 1.2 biyon dolar mas interes na 2016.

Aña pasa Venezuela a entrega 425 miyon como un pago parcial di e decision di arbitrahe aki, pero e compania no a logra yega na un acuerdo pa pago di resto di e debe.

Esaki a pone cu Crystallex a push cu su intentonan pa confisca e sharenan di e compania madre Citgo.

 

Crystallex no t’e unico compania cu a demanda Venezuela pa pago nan no haci. Tin demandanan di mas cu 65 biyon dolar di bondsnan cu no a wordo paga na ConocoPhillips, di kende su reservanan di petroleo tambe a wordo nacionalisa.

El a gana un compensacion di 2 biyon dolar y aña pasa nan a haya 345 miyon dolar cash y den “commodities”, despues cu nan a pone beslag riba algun di e propiedadnan di PDVSA den Caribe.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!