Connect with us
MVP Ad

VELOSIDAT HALTU, KONSUMO DI ALKOHÒL, USO DI SELULAR

Local

VELOSIDAT HALTU, KONSUMO DI ALKOHÒL, USO DI SELULAR

VELOSIDAT HALTU, KONSUMO DI ALKOHÒL, USO DI SELULAR

VELOSIDAT HALTU, KONSUMO DI ALKOHÒL, USO DI SELULAR –  WILLEMSTAD. – Tin hopi preokupashon ta biba den komunidat pa e komportashon den tráfiko aki na Kòrsou. Último tempu tin hopi aksidente grave tumando lugá i ayera Kòrsou a konosé su di 9 morto den tráfiko den apénas 6 luna di aña. Mirando e desaroyo aki, EXTRA ta reprodusí un artíkulo ku a keda publiká den fin di aña tras di lomba, relashoná ku e preokupashon ku ta biba pa ku komportashon di shofùrnan di outo den tráfiko.

Den fin di aña dr. Lars Althaus, patólogo aki na Kòrsou, a pidi atenshon pa dos punto ku tin e preokupá aki na Kòrsou, esei ta e kantidat di arma di kandela ilegal ku tin i tambe komportashon di shofùrnan den tráfiko.

Althaus a splika ku e ta bin di un siudat den Alemania Mülheim, ku tin 170 mil hende ta biba. Esei ta kasi mesun kantidat di hende ku tin ta biba aki na Kòrsou. Aki nos tin mas o ménos 150 mil hende.

Althaus a splika ku einan podisé nan registrá 1 morto den tráfiko pa aña kompará ku e kantidat di morto ku Kòrsou ta sera kada aña kuné.

Su opservashon ta ku aki no ta respetá regla i no tin disiplina den tráfiko. E velosidat ta muchu haltu, hopi hende ta kore i atendé ku nan telefòn selular na mes momentu i no ta bisti faha di seguridat.

Pa su persona ta un milager ku den aksidentenan di tráfiko no tin hopi mucha ta sali heridá, si e tuma nota kon hopi mayor ta kore den nan outo ku yunan lòs den stul patras sin faha di seguridat bistí.

Den su siudat na Alemania polisnan ta hopi estrikto den tráfiko i un shofùr ta haña but mesora ku e faya ku lei di tráfiko.

Den su trabou e loke ku e ta ripara hopi biaha ta kousa di aksidente serio den tráfiko, ta na promé lugá, uso di alkohòl, na di dos lugá, velosidat haltu i finalmente bistimentu di faha di seguridat.

Althaus ta di opinion ku un pais sivilisá manera Kòrsou, no por t’asina ku ta sera aña ku asina tantu morto den tráfiko.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!