Velocidad halto: Auto a keda bolter varios biaha y cay riba dak

Riba Sasaki diadomingo marduga polis a keda informa cu net na altura di ex house of cheng tin un accidente fuerte a sosode cu un auto a bolter. Di biaha a dirigi patruya pe sitio y na yegada di Polis a topa cu di berdad un auto riba su dak completamente destrui.

Segun personanan cu a mira y e chauffeur cu a sali ileso a bisa cu e auto a bolter varios biaha y meternan leu a cay riba su dak.
E homber no tabata herida, polis a tuma dato di e accidente aki. Roadservice a keda encarga cu takelwagen pa lante auto transporte pa su destino.