Varios herido den accidente di trafico na Cumana – Aruba Native

Cumana – Diaranson anochi algo pasa di 10’or ta sosode un accidente basta serio riba caminda di Cumana.

E accidente tawata riba e crusada di cerca di supermercado.

Polis y varios ambulance a wordo manda pa e sitio, incluyendo e Rapidresponder di Imsan.

Na yegada di polis nan ta topa cu e autonan benta panort di caminda. Tawata trata di Toyota Vitz y Kia.
Locual nos por a compronde na e sitio, ta cu e Kia lo subi caminda y no a duna e preferencia na Vitz.

Paramediconan a hiba esnan cu mester tratamento mas avansa Hospitaal y por a mira cu e chauffeur di e Vitz a wordo controla na e sitio pero no tawata tin mester di bay Hospitaal.

Caminda a wordo cera, pa trafico di Oranjestad pa Santa Cruz y trafico di Hooiberg pa Cumana mester a desvia.

Daño material ta considerabel.