UNIT NARCOTICA A DETENE 4 PERSONA Y A CONFISCA VARIOS ARMA DI CANDELA

1

Oranjestad-Aruba

Diaranson den oranan di mainta a haci un entrada hudicial na dos adres. Un na Caya Tumba y na Turibana. Durante di e accion hudicial a detene 4 hende homber di cual tur ta local.
A tene un buskeda na e adresnan na unda a confisca droga, placa , municion y 4 arma di candela.

E caso aki ta den pleno desaroyo y investigacion y NO ta descarga cu tin mas detencion na caminda.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.