Connect with us
MVP Ad

UN KANTO PA KÒRSOU; AREGLO NO BON SKIBÍ TA KEDA DESKUALIFIKÁ

Local

UN KANTO PA KÒRSOU; AREGLO NO BON SKIBÍ TA KEDA DESKUALIFIKÁ

UN KANTO PA KÒRSOU; AREGLO NO BON SKIBÍ TA KEDA DESKUALIFIKÁ

UN KANTO PA KÒRSOU; AREGLO NO BON SKIBÍ TA KEDA DESKUALIFIKÁ –  WILLEMSTAD.- Den e splikashon di AMAK pa ku Un Kanto pa Kòrsou, ta splika ku e intérpretenan/

kompositornan mester aserká areglistanan ku eksperensia, pa e areglonan ta bon skibí i  pa no tin tardansa den  e ensayonanUn areglo ku no ta bon skibí, por keda deskualifiká pa e komishon organisadó.

Si ta trata di un areglista ku nunka no a yega di partisipá na e Festival aki, ta bon pa tuma kontakto ku e komishon organisadó, pa asina ei e partisipante tin garantia ku e areglista ta un kualifiká.

Komishon Organisadó ta paga solamente areglonan ku ta keda entregá na ofisina. Ku areglo ta referí aki na skor i e partinan musikal di instrumentonan. (Piano, Bass i Brass) Areglonan mester ta entregá pa mas tardá djaluna 27 di mei 2019.

Durante di e ensayo di djárason  anochi 5 di yüni lo saka e sekuensia di presentashon di e gruponan i  sekuensia di e intérpretenan den kada grupo. Di e forma aki por duna publisidat na e sekuensia ku tur partisipante tin.

Ta bon pa menshoná aki ku Komishon Organisadó di Un Kanto pa Kòrsou na algun okashon a duna benefisio di duda na algun areglista no eksperensiá i e resultado tabata ku e ensayonan di e areglonan aki a transkurí ku hopi difikultat, komo ku e areglonan konserní no tabata kumpli ku reglanan di bon harmonisashon.

Pues areglistanan ku ta partisipá na un kanto pa Kòrsou mester tin eksperensia pa skibi areglonan pa orkesta grandi i ku ta dominá e arte di harmonisashon.

AMAK ta bisa tambe ku ta na su lugá na momentu ku un hóben demostrá ku e tin e kualidatnan pa okupá un puesto den e orkesta na un nivel hopi akseptabel, pa krea oportunidat pa remplaso. Ta e intenshon pa gradualmente den futuro duna mas hóbennan oportunidat di por ta forma parti di orkesta den algun número.

Pa loke ta trata e orkesta, lo  hasi uso di un Orkesta  grandi ku lo keda dirigí pa e diferente areglistanan.

E konstelashon di e orkesta ta konsistí di músikonan profeshonal ku ta dominá e siguiente instrumentonan:

1 Piano, 1 Bass, 1 Key Board (strings) , 1 Drùms,  1 Timbal, 1 Konga, 1 Bongo/Kampana/guiro/ barí/ 1 tambora, 3 Trompèt, 2 Trombon,  1 Sax        ( un alto ), 1 flouta i 4 Korista .

Tur partisipante mester partisipá ku e orkesta den su konstelashon kompleto.

Ta permití solamente e siguiente instrumèntnan  adishonal, riba propio gastu:

1 kuarta, 1 mandolin, 1 instrumento rítmiko mas, 1 fió, i 1 kitara.

Continue Reading
Advertisement
You may also like...

More in Local

MVP Ad
To Top
Close
error: Content is protected !!