Connect with us
MVP Ad

ULANDA KE INSTALÁ MAS SANSHON KONTRA RÉGIMEN DI NICOLÁS MADURO

Local

ULANDA KE INSTALÁ MAS SANSHON KONTRA RÉGIMEN DI NICOLÁS MADURO

ULANDA KE INSTALÁ MAS SANSHON KONTRA RÉGIMEN DI NICOLÁS MADURO

ULANDA KE INSTALÁ MAS SANSHON KONTRA RÉGIMEN DI NICOLÁS MADURO –  WILLEMSTAD.- Durante un reunion ku otro ministernan di Relashon Eksterior di Union Oropeo, minister di Relashon Eksterior di Ulanda, Stef Blok,  un bia mas a enfatisá e importansia pa imponé mas sanshon kontra Venezuela. Segun Blok mester bin sanshon kontra mas persona di e régimen di presidente Nicolás Maduro. El a hasi apelashon pa esaki.

Durante e siman aki ministernan di Relashon Eksterior a reuní na Brussel. Den un relato relashoná ku e reunion Blok ta skirbi ku e ministernan a deliberá tokante e situashon preokupante na Venezuela. Blok: ‘Dor di e rebelion kontra Maduro a frakasá e kontraposishon polítiko a bira mas grandi.’ Segun Blok represhon polítiko di gobièrnu-Maduro kontra miembronan di oposishon a bira mas fuerte. Entre otro dor di lantamentu di imunidat di parlamentarionan di oposishon. Segun Blok e situashon humanitario a deteriorá.

 

E ta enfatisá riba un solushon polítiko ku ta pasífiko i demokrátiko. Den e kuadro ei Blok ta menshoná e trabou importante di e grupo ICG, ku ta Grupo di Kontakto Internashonal. For di dia 16 di mei un mishon polítiko di Union Oropeo a bai Venezuela pa deliberá tokante organisashon di elekshon presidensial honesto i transparente. E miembronan a deliberá ku representante di régimen di presidente Nicolás Maduro i tambe representante di lider di oposishon Juan Guaído. Blok ke instalá mas sanshon pa asina yega mas lihé na organisashon di elekshon.

Union Oropeo den pasado a instalá diferente sanshon kaba kontra dirigente venezolano. E prohibishonnan di biahe i e konhelamentu di vienes a wòrdu poné debí ku e individualnan a señalá ku ‘nan ta responsabel pa violashon di derechi humano i di daña e demokrasia i e estado di derechi den Venezuela’, segun Union Oropeo.

E sanshonnan segun Union Oropeo ta un forma pa buska un solushon demokrátiko pa e krísis, promové stabilidat polítiko i kumpli ku e nesesidatnan urgente di e pueblo venezolano.

Régimen di presidente Nicolás Maduro ta konsiderá e medidanan di Union Oropeo komo un ‘agreshon kontinuo’ i ‘inherensista’.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!