UA Jouve Love ta Celebra Talento, Comunidad y Espirito di Carnaval – Aruba Native

Universidad di Aruba recientemente a organisa UA Jouve Love, un evento yen di goso cu a trece hunto studiante-, staff, y profesornan pa un anochi di musica, talento, y conexion comunitario prome cu Jouve Morning. Den un atmosfera yen di emocion y positivismo, e evento a demostra di ta e warmp-up perfecto pa temporada di carnaval

Un punto culminante tabata un dushi sorpresa ora cu e organisadonan di e evento y OAS miembro di e team, Janiro Severino, a subi stage pa presenta su cantica original “In My PJs.” Su presentacion a yena publico cu energia, y e multitud a reacciona cu entusiasmo, y hacie un di e momentonan mas memorabel di e anochi.

E Talent Showdown a mustra presentacion impresionante for di henter Universidad. E programa di Baby a trece energia remarcabel ariba stage, mientras AFY a ricibi reconocemento
bon mereci pa nan presentacion sobresaliente y a gana e anochi. Participante di FHTMS, FEF, y O&C tambe a duna presentacion Fuerte, demostrando creatividad, talento, y espirito real di UA.

Nos ta extende un aprecio sincero na e miembronan di hurado, Debby Medina, Milendy Bislik- Neuman, Shark Gario, y Melendy Bislik-Neuman, pa nan eveluacionnan instructivo y sosten durante ful e evento. Un danki special tambe na e presentadonan Kulchaman y Big Reckles pa mantene e celebracion bibo y e publico envolvi.

Universidad di Aruba ta gradicido pa e sosten generoso di nos sponsornan: Setar N.V., WEB Aruba N.V., Casa del Mar, Superfood, Royal Aruba Aloe, Compra N.V., Tostao, WOW Cosmetics, Subway, and Arulaser. Nan conribucionan a haci e evento aki posibel y a crea un experiencia memorabel pa nos comunidad di Universidad. Danki tambe nan nos Social Media Team, Sunset Visuals Aruba y Denisse Inesia pa captura e evento aki door di nan lens di camara. 

UA Jouve Love realmente a captura e goso, creatividad, y union cu ta defini Comunidad di Universidad di Aruba. Nos ta gradici tur hende cu a participa y nos ta spera cu lo tin hopi mas momento di celebracion hunto. 

#UniversityofAruba #UAmbiente #Carnaval #JouveMorning #Students #Staff