Turistanan atraca na resort diaranson anochi – Aruba Native

J.E. Irausquin Blvd – Diaranson anochi un pareha turista a ricibi un mal experiencia ora cu nan a wordo atraca.

Segun informacion, e pareha turista lo tawata yegadando nan camber di un Divi resorts, unda cu e atracador cu cuchiu den man a ataca nan.

E la exigi placa y alabes a ranca e tas y core bay mirando cu seconde ta conta. Pero, durante cu e tawata core bay e tas a cay.

Mesora e turista nan a bati alarma, y autoridadnan a presenta mesora buscando rond e descripcion di e atracador.

Demas departamentonan di polis a wordo poni na altura, manera BFTO [Departamento tecnico] unda nan lo colecta datos di e incidente amargo aki pa e pareha turista.