Turista homber di edad a sali foi lama bira malo y fayece

Diahuebs den oranan di merdia entre Marriott y Ritz Carlton hotel un turista hende homber a bay duik den lama dilanti e hotelnan menciona y ora nan a lante bin afo cune na canto el a sinti su curpa palo y aki ta unda el a stop di reacciona dilanti tur hende.

Di biaha nan a cuminsa cu reanimacion mientras esnan presente a bati alarma pidiendo yudansa y unidadnan di ambulance y polis a keda dirigi pe sitio. Nan a yega basta lihe via e caminda di ambos hotel pa yega mas cerca di e beach.

Paramediconan a sigui cu e reanimacion. Polis tambe a acudi pa ta na altura di e caso debi ta trata di un turista y a compronde e version cu e turista a bay landa y ora a bin ariba el a sinti su mes malo y despues a stop di reacciona riba tur hende cu ta indica cu e curason a stop di bati.

Paramediconan a haci tur nan intento shock e curason y cu remedi pero nada, a yama dokter pa presenta y constata morto, posibel ataca di curason tabata e causa cu e homber di edad a fayece.