Tres Colo na Aruba – Masnoticia.com

E ehercicio Militar Internacional ‘Très Kolos’ e aña aki a tuma luga na Aruba. A participa na e ehercicio aki cu a dura dos siman (14-25 di october), Marinier Mericano, Frances y Hulandes; esaki tabata pa reforsa e colaboracion y a tuma luga na Kazerne di Marina na Savaneta. Très Kolos (tres koló) desde 2010 ta conoci cu e nomber aki. E tres colo ta referi na e colonan di e bandera di e paisnan cu historicamente a participa.

E ehercicio ta consisti di un competencia militar, den cual e ekiponan di diferente pais ta competi contra otro y un parti ta ehersisionan tactico y diferente scenario. E parti di competencia ta contene componentenan di ehersicionan di forsa y resistencia, un pista di awa y obstaculo, un pista anfibio, tareanan di tiro y nabegacion.

E parti tactico ta consisti di diferente ehercicio cu ta bin dilanti, cu ta inklui asenso, persiguishon silencioso, t un atake anfibio.

Tur e actividadnan cu a realisa durante Tres Kolos ta actividadnan particularmente desafiante. Aki e abilidatnan fisico y mental ta keda ampliamente trata cu e fin di saca lo miho di e ekiponan den areanan di deportividad, cooperacion, integracion y competencia. E obhetivo di e ehercicio ta pa consolida y amplia aun mas e integracion y relacionnan mutuo entre e diferente forsanan arma. Ta trata di ta aun mas miho prepara pa e tres tareanan principal di Defensa den Region Caribe, tal manera protehe e isla/paisnan Caribense Hulandes y duna yudansa di emergencia durante temporada di pasashi di un horcan.