Connect with us
MVP Ad

TRAHADÓNAN AQUALECTRA TAMBE TA PREPARÁ PA DJÒIN AKSHON

Local

TRAHADÓNAN AQUALECTRA TAMBE TA PREPARÁ PA DJÒIN AKSHON

TRAHADÓNAN AQUALECTRA TAMBE TA PREPARÁ PA DJÒIN AKSHON

TRAHADÓNAN AQUALECTRA TAMBE TA PREPARÁ PA DJÒIN AKSHON – WILLEMSTAD.- SEÚ, e sindikato ku ta representá trahadónan di Aqualectra ta bisa ku no tin espasio pa mas medida. I nan di Aqualectra tambe lo sintié i nan lo no sinta ketu.

SEÚ a bin ta informá kiko ta e intenshon di gobièrnu ku e medidanan ku nan ke bini kuné entrante 1 di ougùstùs 2019.

AQIA

  1. Groeistrategie/

Groeiakkoord’,

  1. ‘Aanwijzing’ i
  2. Seramentu di Isla si òf no.

Meta di e informashonnan aki tabata pa tur presente sa kiko lo ta e konsekuensia di e medidanan aki, no solamente pa ku e klase trahadó, sino pa henter e komunidat di Kòrsou. Lamentablemente e asistensia na e informashonnan aki di parti di nos miembronan tabata pober.

SEÚ ke atvertí tur su miembronan pero tambe tur trahadó di Aqualectra.

E presidente Errold Bishop ta bisa ku nan no por sinta ketu i laga nan hiba nos plenchi.

Paso sin ningun duda; E MEDIDANAN AKI LO AFEKTA TRAHADONAN DI AQUALECTRA TAMBE.

Esaki ta algun di e medidanan ku ta para den e ‘Groeistrategie’ i ku por tin konsekuensia pa abo komo trahadó di Aqualectra i komunidat di Kòrsou;

‘Privatisering Overheids intitieten’: Ya a bende UTS. Aktualmente tin kombersashonnan ta tumando lugá ku ‘Havenbedrijf Rotterdam’ pa bende parti di CPA ku nan. Aqualectra tambe ta un ‘Overheids NV’.

SEÚ ta atvertí pa sorpresa i ta  antisipá ku pronto gobièrnu lo trata di privatisá Aqualectra tambe ku tur e konsekuensia ku esaki lo por tin pa e trahadónan di Aqualectra i nan famia.

Lo mester bini ku un ‘Nieuw Dividendbeleid’ pa ‘Overheidheids’ NV’s’ nan. Loke ta nifiká, ku mester bai paga gobièrnu dividendo. Esaki lo tin konsekuensianan finansiero pa kada un di e ‘NV ‘s’ nan.

Entre otro esaki lo influensia e plannan di invershonnan i tambe lo e afektá e kondishonnan di trabou i e posishon hurídiko di e trahadó.

‘Omzetbelasting’ ta bai subi di 6% pa 9%. Esaki ta nifiká ku kosto di bida ta bai subi i tur kaminda preisnan lo subi. Ya kaba sin ku e medidanan a wòrdu introdusí, tur hende por a tuma nota ku e preisnan a kuminsá subi. Pues aki tambe abo komo pueblo lo a sinti esaki direktamente.

Acijnzen riba alkohòl i sigaria lo subi.

Adaptashon di nos ‘Belastingstelsel’. Gobièrnu no ta splika kiko presis esaki ta nifiká. Pero no straña bo ku lo bo tin ku bai paga mas impuesto.

Oumento di ‘Afvalstoffenbelasting’ di 20 pa 35 florin pa luna. Esaki tambe ta dal bo direktamente.

SEU tin informashon verídiko ku tin un rapòrt traha, ku niun hende no ke papia di dje, ku ta indiká ku na momento ku refineria Isla sera, kombustibel lo bira super mas karu. Esaki lo subi ku 40 sèn riba loke ku e ta kaba awor aki. Esaki tin su ‘doorwerking’ den tur kos ku ta derivá for di petroli. Entre otro transporte públiko, awa i koriente lo subi. Tambe produktonan ku ta derivá for di awa i koriente entre otro pan.

Errold Bishop ta sigui ku trahadónan di Aqualectra tambe lo sinti konsekuensia di e medidanan ku gobièrnu lo kier bai introdusí. Si trahadónan di Aqualectra sinta ketu i kere ku nan ta den un zona konfortabel, ku nada lo pasa ku nan i nan famia, realisá ku bo ta gravemente kibuká. “Nos di Aqualectra tambe ta bai plenchi si nos no resistí kontra di e medidanan aki”, sr Bishop a enfatisá. Tur, tur hende mester defendé su propio saku i no sinta den zona konfortabel, keriendo ku ta otro mester lucha pa bo.

Sindikatonan den Solidaridat Sindikal ta konvensí ku Pais Kòrsou ta den un situashon di preokupashon. SEU ta konvensí ku mester bin ku un plan struktural pa drecha nos situashon sosial-ekonómiko. Nos ta kla pa kontribuí i huntu yega na e plan integral aki. Pero di ningun forma por akseptá ku gobièrnu ta bai implementá medida riba e pueblo aki, djis pa yega na un presupuesto balansa. No tin mas espasio pa medida serka e pueblo di korsou. Nos ta choka kaba te na garganta.

Den e kuadro aki S.E.U. ku ta forma parti di Solidaridat Sindikal i otro gruponan di interes ta preparando pa un akshon, pa para e intenshon makabro di gobièrnu pa introdusí e medidanan devastador aki, ku lo no bai duna e resultado deseá. SEU ta hasi un apelashon na tur trahadó di Aqualectra pa prepará nan mes pa na momento ku e akshon aki ta bai tuma lugá, boso tur sali i djòin e lucha.

Ta solamente den union i masalmente e pueblo por kambia i/òf para e situashon preokupante i doloroso aki.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!