Connect with us
MVP Ad

TRABOUNAN NA RIF TA SIGUI; NO TIN MOTIBU PA SKÒRS ESAKI

Local

TRABOUNAN NA RIF TA SIGUI; NO TIN MOTIBU PA SKÒRS ESAKI

TRABOUNAN NA RIF TA SIGUI; NO TIN MOTIBU PA SKÒRS ESAKI

TRABOUNAN NA RIF TA SIGUI; NO TIN MOTIBU PA SKÒRS ESAKI – WILLEMSTAD.- E gruponan di akshon Rif a protestá kontra di destrukshonnan ku ta tumando lugá den e área di palunan di mangel. Tur esaki debí na konstrukshonnan ku ta tumando lugá den área di e palunan di mangel i tambe terenonan ku a duna na erfpacht.

Pero minister no ta mira motibu pa skòrs e trabounan, nengando asina e petishon di e gruponan di akshon.

Den wikènt via di abogado Henriquez a bai un karta pa minister di VVRP relashoná ku e área di Rif, palunan di mangel i un asina yamá protesta pro forma. E karta di abogado ta na nòmber di fundashon Rif i fundashon Amigu di Tera. Nan ta referí na e anunsio di minister di un akuerdo ku a yega na dje ku e empresa Hueverman Ibis pa realisashon di un proyekto Rifgebied Otrobanda. E proyekto ta pa saneá e área di palunan di mangel i sigui desaroyá esaki den un parke.

Den e karta di abogado ta splika ku e gruponan di Rif no ta kontra di un desaroyo, pero todo lo kontrario, semper nan a pidi pa bin un saneamentu di e área di palunan di mangel ku ta hopi sushi i asta nan a hasi diferente rekomendashon. Un di e rekomendashonnan tabata pa envolví hóbennan di Rif mes den e desaroyo di e parke. Pero minister no a sigui e idea di e gruponan di Rif.

Awor ta resultá ku tin un área grandi di e palunan di mangel na altura di e proyekto di Corendon a keda kita, te ainda pa motibunan deskonosí. Asta a dèmpel un parti di e awa einan. E gruponan di Rif a tuma nota ku ta intenshon di minister pa traha un kaminda duars dor di e palunan di mangel. E abogado a bisa den su karta ku pa e trabounan ei e minister lo no a haña e “hinderverguningen”. I p’esei ta straño kon e trabounan a tuma lugá tòg i asta a duna un pida tereno den erfpacht siendo ku tin pipanan importante ta kore den suela.

Ta trata di derechi di pèrmit duna na Marriot Courtyard i desaroyadónan di Corendon. Tambe ta protestá kontra di e kaminda ku minister ke traha dor di e palunan di mangel en bes di laga esaki pasa riba e tereno di Marriot Courtyard. E abogado su karta ta un protesta pro forma den kuadro di e LAR kontra di e desishonnan tumá. Ta pidi minister kopia di e dosié nan ku ta referí na dokumentonan públiko i komo tal minister lo mester duna eseinan.

E abogado a pidi minister pa wanta miéntras tantu ku tur e trabounan i e gruponan di akshon ke haña por eskrito di minister pa ayera djaluna ku ta wanta ku e trabounan.

Minister di VVRP no a bai di akuerdo ku e petishon di e abogado na nòmber di e gruponan di Rif. E minister ta bisa ku e kartanan di protesta a bai na e diferente instansianan manera e komishon di konseho di VVRP. I teniendo na kuenta e prosedura di e protesta LAR minister no ta mira motibu pa wanta ku e trabounan, pero esakinan ta kontinuá.

A base di e karta aki EXTRA a komprondé kue gruponan di akshon di Rif lo ta kontemplando huntu ku nan abogado pa hiba gobièrnu korte, mirando e destrukshonnan ku ya a tuma lugá i ku e trabounan tòg ta kontinuá.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!