Connect with us
MVP Ad

TOTAL 50 MIL FLORIN DI DAÑO I PERHUISIO

Local

TOTAL 50 MIL FLORIN DI DAÑO I PERHUISIO

TOTAL 50 MIL FLORIN DI DAÑO I PERHUISIO PIDI DEN KASO MAXIMUS

TOTAL 50 MIL FLORIN DI DAÑO I PERHUISIO PIDI DEN KASO MAXIMUS – WILLEMSTAD.- E dos yunan di Helmin Wiels a hasi un demanda total di 50 mil florin pa daño i perhuisio den kaso Maximus. Un suma di 4815 florin ta pa kubri ticket ku e yunan mester a saka direpente pa yega Kòrsou pa entiero di nan tata. E di dos parti dje petishon ta un suma di 45.400 florin kual ta daño inmaterial.
Pa hustifiká e suma aki e famia a agregá hurisprudensia komo tambe rapòrt di sikólogo ku ta papia di estado emoshonal dje dos yunan.

E suma demanda den kaso Maximus ta kontra di eks minister di finansa George “Jorge’ Jamaloodin kende ta ser konsiderá komo e persona ku a paga pa likidá e lider polítiko di Pueblo Soberano, Helmin Wiels dia 5 di mei 2013.
Ámbos yu, Savanah ku ta biba na London i Helmin jr aki na Kòrsou a manda un karta pa hues huntu ku e petishon di daño i perhuisio pa konta di nan estado di emoshon. E yu muhé ta biba na London a indiká di a biba un bida di strès ku morto di su tata.
For di e fecha di 5 mei 2013 e no por funshoná 100%. Su bida a kambia por kompleto. Pa Savanah su tata tabata su super héroe. Semper ora e tata ta na Ulanda, tur organisashon ke papia kuné. Te awe e tin doló di a pèrdè su tata. Apesar di tur loke a pasa el a terminá su estudio. Miéntras ku e kaso ta habri, e doló ta keda. no ta pasa un dia ku Savanah no ta pensa riba su tata.

E situashon di Savanah ta kasi igual pa su ruman hòmber Helmin jr. E impakto di morto di su tata ta pisa hopi riba su bida i ta difísil pa e por dil ku esaki. tin biaha e ta rabia ku su mes, riba su alrededor. I tin biaha ku e ta rabia e ta bai sinta ora largu na graf di su tata. Tambe e ta rabia riba hendenan rondó di su tata ku no a mira na tempu kiko tabata bai pasa su tata. Ora e presensia tur tratamentu di e kasonan for di Magnus te awor Maximus e ta rabia pisa ku tur loke e tende.

E pregunta kardinal ku ta keda serka Helmin jr. ta dikon a mata mi tata. Ora e tata bai Ulanda nan tabata papia kiko ta bai hasi den futuro. E tata tabata un hòmber bon bon i e no tabata malu.

Continue Reading
Advertisement
You may also like...

More in Local

MVP Ad
To Top
Close
error: Content is protected !!