Connect with us
MVP Ad

TÈSTMENTU EDIFISIO HOSPITAL NOBO TA NA 50%

Local

TÈSTMENTU EDIFISIO HOSPITAL NOBO TA NA 50%

TÈSTMENTU EDIFISIO HOSPITAL NOBO TA NA 50%

TÈSTMENTU EDIFISIO HOSPITAL NOBO TA NA 50% – Miéntras ta spera ougùstùs edifisio ta kompletamente kla

WILLEMSTAD.- Ainda falta 50% pa tèst e edifisio nobo di hospital na Colon. Esaki ta loke ku a bin dilanti den un rueda di prensa ku  Supervisor i Regisor Ministerial (MRT), Gerensia di HNO Transitie en Exploitatie N.V. i HNO Vastgoed en Beheer N.V., a tene ku prensa. E rueda di prensa tabata pa duna un  “Status Update di e diferente trayektonan di Transformashon den Sektor di Kuido”.

Sr. mr. Stanley Betrian (MRT) a splika ku esnan ku tabata sintá na mesa ayera tur a drenta den “maneho” di HNO (Hospital Nobo na Otrobanda) na 2017 despues ku desishonnan a keda tumá kaba. Ta masha hopi ego tin ku ke pa hasi loke nan ke den hospital. Pero esei no por, pasobra primeramente e pashènt ta sentral i den e kaso aki no por baha tur gastu riba e pueblo. Ademas el a enfatisá ku tur loke ku a keda trese dilanti ayera den rueda di prensa ta bon konosí pa tur hende i tambe CFT.

Sr. drs. ing. Gilbert Martina MBA di HNO Transitie & Exploitatie a splika ku e proyekto di transishon a kuminsá lat pa mas di mil personal ku ta laborá na Sehos. E transishon mester a tuma lugá for di 3 aña pasá. Na òktober 2017, sr. Martina a kuminsá ku e trayekto di transishon. Aktualmente ta prepará e e personal pa ougùstùs por drenta Curaçao Medical Center kaminda nan ta siña traha ku e sistema, sera konosí ku e edifisio i despues ta bai simulá ku pashènt.

Di parti di Ir. Dito Garmes (HNO Vastgoed & Beheer) a splika ku e parti di konstrukshon dje edifisio i instalashonnan pa 80% ta kla. 50% di e tèstnan di aparato elektróniko a keda hasí satisfaktoriamente. Mas serka yega dje fin pa entregá hospital, mas tèst ta keda hasí. I esaki ta algu masha esensial.

Inisialmente a pensa ku lo kaba ku e konstrukshon dje hospital lo instalá aparatonan i despues e training na e personal, pero a disidí kana e trayekto paralelo ku edifisio ta biniendo kla. Asina ku tin e MRI i Drunktank instalá kaba i tambe algun aparato lòs.

Tambe dr. Garmers a splika ku gastu di e edifisio no a subi, i tampoko ta kosta e famoso 200 mion. Ta un suma fiho tabatin i esei a keda traha kuné te awe.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!