Connect with us
MVP Ad

TATA DI KRIANSA KU A VIOLÁ DOS MENOR, DILANTI HUES PA RESPONSABILISÁ SU MES

Local

TATA DI KRIANSA KU A VIOLÁ DOS MENOR, DILANTI HUES PA RESPONSABILISÁ SU MES

TATA DI KRIANSA KU A VIOLÁ DOS MENOR, DILANTI HUES PA RESPONSABILISÁ SU MES

TATA DI KRIANSA KU A VIOLÁ DOS MENOR, DILANTI HUES PA RESPONSABILISÁ SU MES -WILLEMSTAD.- Awe korte di promé instansia  lo kontinuá ku un kaso di inmoralidat basta delikado.

Ta trata di e akusado J.d.C.D (32) ku ta keda akusá di a kometé aktonan di inmoralidat ku dos damita menor.

Segun e akusashon e akusado ku a fungi komo tata di kriansa di damitanan i   ku tin 2 yu menor ku nan mama, a violá e menornan den e periodo di 30 òktober 2017 pa 1 di yüni 2018. Tambe e ta keda akusá pa maltrato.

E damitanan ku e tempu ei no a yega e edat di 12 aña, a deklará na polis ku e  tata di kriansa tabata violá nan despues di orario di skol. E akusado a ninga e akusashonnan i a bisa ku nunka e no a mishi ku e muchanan.

Durante di e kasonan den pro forma anterior, hues a pidi pa skucha mama di e muchanan, maestronan, kier mira rapòrt sikiátriko i Reclassering di e akusado.

Abogado di e akusado mr. Prevo durante di e kaso den pro forma a  bisa,  ku e yunan tabata den un situashon pornográfiko fo’i dia ku nan tabata chikí i ku tin vários potrèt di nan  promé ku e akusado a drenta den nan bida.

Segun e abogado e mama di e kriaturanan tabatin hopi influensia riba nan , p’esei e ke  pa skucha e mama.

Hues a skucha tata di e víktima durante e kaso,  pa sa si e yunan tabata bis’e algu di esaki, òf ku el a nota kambio na su yunan i kon e relashon tabata entre e komo nan tata ku nan.

E tata a bisa ku promé  ku e suseso  a tuma lugá, ora e yunan bin keda serka dje i mester bai kas, nan tabata bis’e ku nan no ke bai kas . E yunan tabata pidi e tata pa gaña e mama ku nan no ta bin kas paso nan ta malu, drumi òf tin ku bai un fiesta. E yu mayor a duna di konosé  ku e no tabata sintié dushi na kas. Segun e tata, ora el a puntra e mama kiko ta pasando na kas, e mama a bis’e ku e no tin niun idea.

Mas aleu e tata  a sigui bisa ku ora ku e akusado bin baha e yunan na kas, e tabata asta kòmbersá kuné.

El a bisa di a kuminsá mira kambionan straño den su yu. E tabata nota ku e yu ta hopi ketu, no tabata hasi wega mas, i kasi no tabata papia ku niun hende. Asta e yu a yega di bringa na skol.

E víktima  mayor a bisa ku tur dia e  akusado tabata buska nan for di skol.

E kaso lo keda trata awe den su kontenido i tambe lo tende e deklarashonnan di e testigunan ku hues a pidi pa skucha , mirando ku e akusado ta ninga e akusashonnan redondamente.

Continue Reading
Advertisement
You may also like...

More in Local

MVP Ad
To Top
Close
error: Content is protected !!